العصمة بنظرة جديدة مجلة الکوثر الرابع والثلاثون - شهر رجب المرجب 1437هـ -2016م صحيفة صوت الكاظمين الشهرية العدد 207/206 النور الباهر بين الخطباء والمنابر قناة الکاظمين مصباح الهداية ونبراس الأخلاق بإدارة السید محمد علي العلوي الخصائص الفاطميّة على ضوء الثقلين الشباب عماد البلاد إجمال الكلام في النّوم والمنام المؤسسة الإسلامية العالمية التبليغ والإرشاد برعایة السید عادل العلوي صحیفة صوت الکاظمین 205-204 شهر رجب وشعبان 1437هـ الانسان على ضوء القرآن أخلاق الأنبياء في القرآن الكريم العلم الإلهامي بنظرة جديدة في رواق الاُسوة والقدوة الله الصمد في فقد الولد في رحاب اولى الألباب المأتم الحسیني الأسبوعي بإشراف السید عادل العلوي في دارالمحققین ومکتبة الإمام الصادق علیه السلام- إحیاء للعلم والعل نظرات في الإنسان الكامل والمتكامل مجلة الکوثر الثالث والثلاثون - شهر محرم الحرام 1437هـ -2015م نور العلم والعلم نور مقالات في رحاب الامام الحسين(ع)
اللغة
تابعونا...
فهرست کتاب‌‌ لیست کتاب‌ها

النبي الأكرم صلی الله علیه وآله

قل جاء الحق وزهق الباطل

بعد ما كانت الجزیرة العربیة تعشو في ظلمة

الباطل، بزغت حقیقة محمدٍ |، وانجلت تلك الظلمة، وأزدهرت اجواء

الجزیرة بضوء العدالة المحمدّیة.

یا نبي الرحمة وفخر عدنانها                         ابیوم میلادك زهت اكوانها

****

زهت كل اكوانها برّ وبحر                           یوم بربوع الحرم نورك زهر

بسمك الباطل زهگ والحگ ظهر              بسمت وفرحت إنسها وجانها

****

شعّت أنوارك عله اربوع الأنام                    ونمحه امن الأرض دیجور الظلام

دوّنت بین الملة شرع ونظام                          بمر باري الكون یا سلطانها

****

یا ملك یا مالك ارگاب البشر                     یلّذي امن الله الك رایة فخر

الك مرسومة القیادة والظفر                       وصطفاك الله یسر قرآنها

****

یلّذي لو ما وجودك عالوره                        ما بگه بالكون لاعز لاذره

أوبیه نیران التشاحن موجره                        لچن سرّاسمك طفه نیرانها

****

امّة التخبط ابعشویّة جهل                           ما لها معبد سوی الات وهبل

كل وكت چان الها لمچاتل عمل                  أو  ما فرد لازم لعد اعنانها

****

تسرح وتمرح ابمیدان الظُلَم            والمفاسد رافعه بیها علم

تصبح وتمسي ابجهلها چالبُهم                    والقوي یفرس ضعیف ابدانها

****

ظلت ابها الحال مدّه امن الزمن                   تلتهب بربوعها نار الفتن

لمن باریها ابلطفه اعلیها مَنّ                          بیك یا روح الوفه واحسانها

****

بسمك العالم نجه وبسمك عدل                  والخلگ بسمك نجت منّ الزلل

ولها صارت خاضعه كل الدّول                   ونته عزها وسورها وریسانها

****

امّتك بحسن نظم متحرّره                           من عگب عیناك یلهادي اشجره

وشجره اعلیها وغدت متأخّره                    اتجاهرت من بعدك ابعصیانها

****

لعبت وغیّرت أحكام الجلیل                       خالفت امر الوصي ا لماله مثیل

للجهل وهل الجهل صارت تمیل                 أوباعت ابأبخس ثمن وجدانها

****

ظهرت الأحقاد من باطن لئیم                    نهجت ابمنهج الشیطان الرجیم

ابدورها الحگ والعدل أصبح عدیم            أو طیغت گوم الحاسده وأعوانها

****

خبر عندك سیدي اشصار وجره                 منها نار الفتن لسّاموجره

ابهاي ضلت امّتك متناحره                         أو یوم عن یوم أكثرت أحزانها

****

بگت تتنخه وما الهاحمه                   امن الأوضاع اگلو بها متألّمه

تنظر أعداها ابعز متنعمه                 وهیه عالذل فتّحت بیبانها

****

عالمذله غمضت الأمه لعیون           والأجانب غدو بیهم یلعبون

وبهواهم یجدمون أو یوخرون          أو خیّم الجور اعله كل أوطانها

****

یمن بمر الله الك تاج اننسج           یامته ویا یوم یلفینه الفرج

ضنوتك یظهر یعدّل كل عوج         أو یهدم أركان العده أو طغیانها

****

                                                      26 رجب الخیر 1376هـ

                                          ابوذیّه

روج الفتن فلّلنه ولفراج                رجّجنه الوكت رجّه ولفراج

رحمتك یامته تنزل ولفراج              یعمّ الكون یا ربّ البریّه

                                                                              13 ـ 8 ـ 1962 م

****

                              بزغ النّور وأبیدت

                                          النار

من قلب الجزیرة  العربیّة، ومن صحراء الحجاز

القفرة، بزغ نور، وأبیدت نار، بزغ نور العدالة

والأیمان، وأبیدت نار الظلم والعدوان، ذلك

نور  محمد |.

ابنور من باري السمه الدنیه صُوت

                  أو نار أهل النار بادت وانطفت

****

مظلمه چانت الدنیه ومكدره

                  بیها نیران الجهاله اموجّره

لاچن ابمیلاد سلطان الوره

                  فازت وعنها غیاهبها انجلت

****

انجلت من جوها الغیاهب والظلم

                  وحتیت بالنور من عگب العدم

فاضت الخیرات بیها والنعم

                  او بالأنوار الأحمدیّه اتشعشعت

****

روض عزها البالجهاله مندرس

                  البیها أبداً طیب ماظل للنفس

صار اله نور النبوّه چالشمس

                  واحتیت اشجاره بیها وورّدت

****

فاح من أوراد هاندّ العطر

                  شمّته وبیه انعشت أهل العصر

بالدهر وبغرّته شبه البدر

                  صار ذاك العصر وهله اتنورّت

****

عگب ما چانت مثل گوم الرّقیم

                              بالسبات ودوم ذكراها عدیم

غدت بوجود النبي ابخیر ونعیم

                  انتبهت ومن طي لیالیها اطلعت

****

صارت ابعهد الأمانه والعدل

                  من بزغ نور الضحی ابسید الرسل

وجتمع ولتم شملها المضمحل

                              والملوك العالمیّه الها اخضعت

****

بسم طاها رگت سرج أمّ العله

                  أو بالتكاتف ملكت ازمام المله

ثوب من نسج الفخر الها حله

                  أو أیه العز والفخر الها انزلت

****

اهنا یسامع انظر المجد العرب

                  شوف دفتر زودها ابنور انكتب

لچن مدري الیاسبب حضها النگلب

                              باعت الدین ابهوه الدنیه ومشت

****

دینها الغالي الذي العزهم ضمن

                              عنّه بعدت، باعته ابأبخس ثمن

اتحب تردّ اردود تعبد للوثن

                              اتگول چنها چذب للباري اسجدت

****

اسف كل الأسف من هاي الإسلام

                              ذل تبدّل عزها ما بین الأنام

عگب ما بین الوره رفعت الهام

                              اتخاذلت وانفل شملها ودنّجت

****

خل نصد عنها ونفض عنها النظر

                              حیث منسوخه اصبحت  مثل الحجر

هاالذي خالفت نص سیّد البشر

                              للعجل والسامري ابذل ایدّت

****

دعنه عنها وخلّي ذكراها تمرّ

                  مالنه أویاها تخاصم بالأمر

الهادي یتخاصم أویاها بالحشر

                  أو تنظر الخالفت بجهنّم هوت

****

والذي اتمسّكت بالهادي وهله

                              أو بالكتاب وعترته الها صله

رحمة الباري علیها نازله

                              أو بالحشر من حوض كوثر ارتوت

****

یا الهي اعلیك نقسم بالرسول                     وبوصیّه المرتضه وجاه البتول

لاتخلي ابلیس یغوینه ویحول                        بیّنه وبین الذي للحگ سرت

یا إلهي ودومها اعلینه الأفراح         بسم طاها وذچر حیّه اعله الفلاح

واحفظ أهل العلم وأرباب الصلاح            البالنبي الهادي وعترته اتمسّكت

            ****

                                                                              21 ربیع الاول 1377هـ

مبارات

حاشاك أن ترضی وأنت محمد                     شعب یصاد وواحد یتصیّد

****

یوبالقاسم دلیل الدین ینصاد                      نصد أهل الغوه وما فرد ینصاد

حاشاك الشعب برضاك ینصاد                   أو واحد هالیصیده امن البریه

****

تدري امّتك منهو صداها                            عن دینك یمن تسمع صداها

حشه ترضه لون واحد صداها                    یبو ابراهیم یا سید البریّه

****

                                                      25 شوال المكرم 1376 هـ

                                          نور الإیمان

یقدّم شاعرنا الكریم، في قصیدته العصماء

شكره إلی من شاركه في عید میلاد جدّه المصطفی

الذي بزغ نوره علی العالم بأسره، فأصبح مضیئاً

بنور النبوة والعدل.

أقدم یا تره ابها لحفل للخوان                      جزیل آیات شكری من گلب ولسان

****

حفل میمون مبارك ,وله آثار                        من نور النبوه بي تشع أنوار

انعقد وترتب ابهمة شباب أحرار                 أو صار اسم النبي الهادي اله عنوان

****

حفل دیني اجتماعي أو بالعقیدة انشاد

                                          لجل میلاد طه سیّد الأمجاد

البیه انجمع شمل العرب ولها أنگاد

                                          كل سلطان بالعالم عظیم الشأن

****

بالهادي وشرعته العرب رفعة راس

                              بنت صرح المجد باالغانمه واحساس

المجدها، مجد ما یوصل ولا ینقاس

حیث اتشرّفت بالدین والإیمان

****

وبأوج العله رفت روایاها

وبیّن الوره شاعت سجایاها

بالتاریخ ادرس عن مزایاها

                  اتشوف اموشحه بالعدل والإحسان

****

هاي العرب شیمتها وسوانیها

                              هاي أخلاقها وهذي معانیها

 اشحدّه اللي یصل لیها ویدانیها

                              أو علیها هیبة الإسلام والقرآن

****

ابزود المصطفه هذه الفخر والزود

                              اجاها ولطف من باري السمه المعبود

سادت عله العالم وعله كل وجود

                              لا چن حیف من عدها انفلت لعنان

****

وگعت بلمطامع عگب ذاك الدور

                              وبسوء التصرف صار أمرها ایدور

صار أنهارها لیل اظلم ودیجور

                              تاهت بالطریج وتبعت الشیطان

****

خل نضرب صفح عنها ونرد اردود

                  خل نطوي الصحیفه یا هلي ونعود

نذكر فرح هذا الحفل والمولود

                  ونقدم التهاني الهاشم وعدنان

****

نهني الیوم أهالي الزود والمعروف

                  بني هاشم ابمیلاد النبي الموصوف

نوره انتشر عالكونین خلها اتشوف

                              بي من رحمته الباري فتح بیبان

****

نهني العالم الإسلامي ابها لیوم

                              عندالله تراه الیوم غالي السوم

علینه الدوم الأفراح وعلیكم دوم

                              ابجاه المصطفه سید الانس والجان

****

                                                      18 ربیع الاول 1377 هـ


 

                                          أمان الخلق

الرسول الأعظم  صلی الله علیه وسلم وآله الطاهرون، امان للخائف، وعصمة للمعتصم، فمن تمسك بهم نجی، ومن تخلف عنهم ظل وهوی.

جعل آل المصطفه الباری القدیر

                              رحمه للناس أو أمان المستجیر

****

گبل ما یخلق الاه العالمین                 هالأرض وأهل السموات أجمعین

خلق نور آل الرساله الطیّبین           أو جعل هذه النور مصباحه المنیر

****

النور ظل من گبل لایدحي الأرضِ            ابقدرته محفوظ أبد ما ینقرض

خلق آدم والملك وانزل فرض                     لعد آدم تسجد أوّل ما یصیر

****

ها تدري السبب من هذه السجود              موش لادم لچن حكمه امن الودود

حیث ودّع یا تره سرّ الوجود                      ابصلبه باري السمه العلّام الخبیر

****

ابصلب آدم ودّع انوار الخمس                    تنتقل من نفس صارت لینفس

بالأرحام الطاهره  الماتندنس                       الجهل میمسها وبو مرّه الخطیر

****

بگت هاي الحاله مدّه امن الدهر                 لمن طه المصطفه نوره ظهر

اعله امته ولیل الدهر صبحه                       أو كل أمر معسور بیه اصبح یسیر

****

نورهِ أو أنوار أهل بیته ابزغت         والعو الم من هالأنوار أشرگت

سفن وألبیها التجت حتماً نجحت  گال عنها سراج دین الله البشیر

****

والتمسك بیهم أبداً ما یخیب           أو ما یمسه الضر ولا یوم عصیب

یا تره واللي اله بحبهم نصیب         فایز وربحان للخیر المصیر

****

عالبشر أنوار طلعتهم تلوح             أو للموالي طیبهم دایم یفوح

بلسم أمودتهم الكل الجروح            وبأسهم ینجبر عظم الكسیر

****

یا اللهي اعلیك اقسم بالرسول       وبوصیة المرتضه فحل الفحول

كل عللنه تنبری ابجاه البتول          اعلینه یا رب یسهل الأمر العسیر

                                                                  5 ذیقعدة 1376 ق.


 

                              السجن

الیك یا رسول الله یتوسل شاعرنا المجاهد

من داخل سجن بغداد، وینشد قائلاً:

یا نبيّ الهدي إلیك رجائي               أنافي السجن فاستمع لندائي

أنت یا سیدي مناي فكن لي            شافعاً لیت یستجاب دعائي

أنّ ذكراك في الفؤاد لنورٌ                 من سناضیّه استنار مسائل

سل من الله یا أبالرسالة عنّي           أنّها دعوة تزیل بلائي

****

                                          مبارات

كتبت آنه حروف المجد بلواي         صارت كتبتي یا ناس بلواي

یبو ابراهیم گلبي دخن بلواي         رجه تسمع نداي وترد لیّه

****

چم دوب ارفعت راسي وناجیت                لا من دعوٍ صابت وناجیت

غیرك ما بگه عندي وناجیت                       تشفعلي یبوالزهرة الزچیّه

****

چتّفني زماني ابحبل وأنوار                         همي اشتدعلِ لو صاح وأنوار

ذچرك بالگلب مطبوع وأنوار                     لیل الهم یزیله ویشع ضیّه

****

أنّه چم دوب أضل أكتب                            نزف دمّي امن عیوني وسایل

یبوالزهره أطلب امن الله وسایل                 تنجّیني ابعجل من هالبلیّه