الحجة ×

 

مسیر

یلمهدي عجّل یا نجاة الطیبین                          انظر الحاله

ما غیرك ایصّفیها  یا نور العین                          انظر الحاله

× × ×

طاحت الامّه وما بعد الهامعین                         انظر الحاله

صار البلاء ایصبّ علیها ابكل حین                      انظر الحاله

× × ×

یا صاحب الغیبة یسرّ الماضین                           انظر الحاله

تدري امن المصایب گلبنه نصّین                        انظر لحاله

× × ×

صرنه ابوضع یغنیك عنّ التبیین                    انظر الحاله

كل فرد حایر سیدي وبتمحین                               انظر الحاله

× × ×

تشچیلك الحاله یضنوة یاسین                                انظر الحاله

ننطي الوجه یبن الاماجد لا وین                    انظر الحاله

× × ×

معلوم عندك سیدي وتدري زین                             انظر الحاله

عالامه یبن المصطفه ایحوم البین                                      انظر الحاله

× × ×

 

 

                                      موال

یمته الفرج یا وكت نسمع نبأ هاتفه

                   وجموعنه امن الوضع وهل العصر هاتفه

اشعندك یشامت بعد جور وظلم هاتفه

                   نتحمّل ونصطبر وگلوبِنه منزل

لاچن نخبرك ابد عن راینه منزل

                   قوّتنه بالله ولنه كتاب الهده منزل

                   لو صار الك مقدرة الحدنة  تصل هاتفه

 

                                       استغاثة

یهتف شاعرنا الكریم بصوت ینطلق من أعمال قلبه

المفعم بالآلام مستنهضاً به امام العصر × وشاكیاً

له مصائب حلّقت علی الامة الاسلامیة..

              یمته اظهورك یا والینه

              شوف العده اشتعمل بینه

× × ×

یبن الحسن یمته اظهورك                       یزهر علی العالم نورك

عجّل وبچفّك منشورك                         ما غیرك تدري یحامینه

× × ×

بین الرخه والجحر طحنه                      وعلینه مطّاره المحنه

یالمهدي تدري لو صحنه                        ترفع صوارمها علینه

× × ×

یالمهدي لو ردنا نأمُر                            بالمعروف ابداً ما نستُر

لو نمنع واحد من یكفُر                         أكثرها الناس اتعادینه

دین النبي اصبح دارس                         والمحب لنفاسه حابس

درع الصبر لجلك لابس                         یهمل دمع دم من عینه

× × ×

عجّل نجّینه من الشدّة                         حگد الباطل لیهِ اترده

یلمهدي طالت هالمدة                          یمته الفرج وتبارینه

× × ×

عجّل وخذ ثار المضه                   بین العده جدّك گضه

ناده وحگ المرتضه                    حر وعطش هالماذینه

                                                    29/2/1374 هـ

 

                                 ابوذیه

لفلاك ابعكس تفتر عجلها

              أو برض الطف أهالي الغر عجلها

یبن العسچري الجیتك عجلها

              وخذ ثاراتنه من آل امیّه

 

                                           متی یا فرج الله

نداء مشبع بالآمال والآلام.. نداء یخرج من فؤاد

ملتهب بالحسرات والأحزان .. نداء یوجهه شاعرنا

العلامة إلی قائم آل محمد ×..

              یلمهدي تظهر یامته

× × ×

یمته الفرج یبن الحسن               دنهض یراعي المرجله

وذكر امصاب الممتحن                 ضامي گضه ابطف كربله

                        وبكتره گومه وصحبته

× × ×

ونهض یبن خیر العمل                          وگطع أیادي المغرضه

خلّت عیالك بالوجل                            وعلیها مظلمّ الفضه

                        واگلب زادت محنته

× × ×

چي ترضه یبن المصطفه                         انذال ما الها رحم

تهجم اجت متكاتفه                            وبنار حرگتها الخیم

                        والكبره جدها ندبته

× × ×

اطفال كلها مشتّته                               طلعت تنادي یلولي

فرهدت گوم الشامته                           صیواننه لایلعلي

                                 دمع البیابي هلّته

× × ×

بگلوبها یلهب جمر                    من كثر ماشفات ظلم

یبن العوالي والسمر                    ترضه تموت وتنحرم

                        ماهاجت احّد شیمته

× × ×

یبن الحسن یكفي الصبر              تدري الگلوب امحمّله

الغیرك فلا یحله الأمر                 انهض یراعي المرجله

                        یا شبل حیدر لافته

× × ×

من عیلة الهادي بكت                 والنار بیها تستعر

وهل الظلم بیها حدت                وعله المظالم تفتخر

                        طفل أبوالیمه ذبحته

یا سیدي اشنحچي بعد               شنگول عنّ اللي غده

وحسین من جدّه  ابتعد              مدري اشذنب منّه سده

                        عالأرض مرمي خلته

× × ×

بالشمس عاري بلا غسل              وبكتره أنصاره وهله

ومجزّره حتّه الطفل                             منهو ابمصابه ایماثله

                        وعلوج امیّه راسته

× × ×

                        موال

یا یوم یاتي ویهل راعي العِلِم ولفان

              نیران بمهنّده وضي جبهته ولفان

ذاك الذي محتزم لهل الظلم ولفان

                        من صلولته تختشي جن وانس لفلاك

گِل الیشك بالفرج یوم الفرج لفلاك

              وابطیته الفایل وحكم العدل لفلاك

    ویصیح أنّها امنكس الرایاتكم ولفان

 

                                           العصر المؤلم

تتصاعد آهات المستغیثین إلی السماء كالدخان

فتملأ الفضاء ظلمة وكدرة.. نادبین أمامهم و

مهدیهم القائم ×.. شاكین إلیه آلام

عصرهم المؤلم..

                                 یمته اظهورك یا مهدینه

                                 هالعصر تدري ماذینه

× × ×

یا ساعة یبن العسچري                تلفي وتسل السمهري

وتبید كل ظالم جری                   الیطیع حكم الله ودینه

× × ×

تدري یبن مكة ومنه                   دین النبي الهادي انفنه

راعي العدل ظهره انحنه             والأجنبي صار ایهینه

× × ×

یبن الوصي المنكر ظهر                 وهله غوت كل البشر

ما غیر شخصك یلفخر                یعدل عوجها وینجینه

× × ×

لا بالغني جود وكرم                   لا عِدَل حاكم من حكم

لا ظلّت امروّه ورحم                  بین الخلك یا والینه

× × ×

لا جار یبن المصطفه          یرحمه الجاره وینصفه

عالامّه تالي الماي صفه                 والصفه علیه الماي عینه

× × ×

لا نصار الینصر بعد          مظلوم والظالم هدد

من هالوضع یلمعتمد                 كل البشر زاد أونینه

× × ×

بعد أرد ابیّنلك خبر          حتّه اتعلم یلمنتظر

خیّم عالامه الخطر                    وعداك صارت ترمینه

× × ×

ترمینه ما یومٍ تچل                    خلّت جسمنه مضمحل

لاگول النه ولا فعل          شبه الأموات امشیعینه

× × ×

والمیت لو مات وكضه                 لعداه یصبح موعظه

لاچن اعدانه المغرضه                  للموت صارت تلفینه

× × ×

یلمهدي منّك نلتمس                  للنبض من عدنه تجس

تلگینه موته وما نحس                بللي جره وصار علینه

× × ×

یمته یبن حامي الحمیه               اینادي المنادي بالسمه

شبل احسن سل صارمه               صارمك روح ویحیینه

× × ×

تحیینه یا روح العدل                  یوم الذي السیفك تسل

وتصیح یا ثار الطفل               ثار الگضه بالطف وینه

 

              × × ×

                                 ابوذیه

الیوم الفرج یا هو اللي عدانه

              چیف الناس ضاجت من عدانه

یبن الحسن كلها ابعز عدانه

                        تذلّلنه وبگینه ابلا تچیّه

یا آیة الله

انهض یبن سید العرب                          یا آیة الله المنتجب     

× × ×

انهض وخذ ثار المضه                            جدك الهادي من گضه

بالمگصد الجاحد حضه                          للباب وجها بالحطب

× × ×

ضلع الزچیّه الطاهره                           كسروه گوم الفاجره

جرّ وعلی لیث الوده                           هالماعگب عینه ندب

× × ×

دارو عگب عقد الوله                          عالحسن راعي المنزله

وحسین شوفه ابكربله                          حرّ وعطش چبده انعطب

× × ×

شوف الهواشم عالثره                           اجثثهم یویلي امعرفه

بالخیم نار امو جِّره                             هالمالها أصل ونسب

× × ×

زینب بگت متحیره                             عگب المغره امیسّره

یبن الحسن هذه الجره                         انهض تره الكون انگلب

 

                                 العجل العجل

عجّل یا صاحب الثار

یا آیة الله الجبّار

× × ×

یا نور عین الأبرار                            ضنونة علی حامي الجار

تدري الدهر جار وجار                     والظلم رافع شنیار

× × ×

یلمهدي من عگب الدار                   بالطف تشوف الآثار

دارت الكوفه الأشرار                        عالنفل سبط المختار

خلّوا ینادي ومحتار                         چاوي العطش چبدي ابنار

ما حصل واحد نغّار                         من آل امیّه الفجار

تالی اچتلوه الكفار                         عگب الچتل تدري اشصار

للخیم صارت تندار                          نیران توجر وغنبار

تتناهب البیها اجهار                        والتصرخ اصغار اكبار

ما غیرك امن الثوار                         مذخور یبن الكرار

یمته تسل البتّار                             عالكون تسطع انوار

 

                                      حامي الامّة

تلتهب في قلب شاعرنا الكریم نیران الانتظار.. فیقف

منادیاً بلهفة وحرقة امامه وولي أمره الحجة بن الحسن

العسكري × لینهض ثائراً علی أعداء الله

والانسانیة وحامیاً للامم الاسلامیة ..

یبن الحسن یلمذ خور                 للأمّه یا حامیها

× × ×

یبن الحسن طالت الغیبه علینه

              وتشمّتت گوم الأعادي بینه

یمته تهل اعلینه یا والینه

بهلالك الكون اینور                              أنوارها ایطفیها

× × ×

بسمك العالم یلمغیّب یزهر

                        واللّي یغش دجّال تالي یظهر

والظالم بذاك الوكت مایگدر

یظلم الامّه بالزور                      والناس یحكم بیها

× × ×

مایگدر الظالم یفر یلمغوار

                        یوم الذي تظهر تسل البتّار

لا واسطه اتنفعه بعد لادینار

وعلیها تهجمها الدور                  ومن الأرض تفنیها

× × ×

تفنیها من فوگ الأرض یلمحجوب

                        سیف العداله ایچیدها یا مهیوب

ذاك الوكت امّة الهادي متلوب

ترتاح تحت المنشور                    هللي یرف علیها

× × ×

ترتاح یوم التنهض وتاخذ ثار

              جدّك الداسة خیل گوم الاشرار

صدره وبخیام الخدر وجّت نار

                        وخذت یتاماكم یسر أهل الجور

× × ×

للشام ودّوها یبن داحي الباب

                        جدّامها اعله الرمح روس الاطیاب

دخلوا عله ایزید انذل بالارهاب

                        متجتّفه ولا الها حامي ولا سود

× × ×

متچتّفه وگفت اگبال السفّاك

                        لولاك حاضرها  وتراها عیناك

ماترضه ماترضه ابیسرها حاشاك

                        یا سیدي الثاراتها یمته اتثور

× × ×

              ابوذیة

بگینه نشبه البالزّغر یاتم

                        أو یاذیناش مرّ الصبریاتم

مته تظهر وعیسه الروح یاتم

                        بیك وتشع یلمهدی الثنیه

 

                                 متی

یا أمل القلوب.. یا غایة الشعوب .. یا حیاة الحق..

یا موت الباطل .. متی یبزغ شاعك النوري علی

العالم المظلم؟ .. ویمزق ظلم الجور والجهالة..

یا صاحب الغیبة                       یا صاحب الغیبة

یمته تصدلینه یبوالهیبة               یا صاحب الغیبة

× × ×

یبن الاطایب یا وكت نهضتك

                        طالت علینه سیدي غیبتك

یمته یلمغیّب ترف رایتك

نلگاها منصوبه               نلگاها منصوبه

بالنصر والعز ابأرض طیبه             یا صاحب الغیبه

× × ×

صار الوكت ما ینحمل یعلمد

                        والنّایباتِ علینه ملهن عدد

ما النه غیرك یا فخرنه ضمد

لچبود مصیوبه                         لچبود مصیوبه

والطفل من ضیمه ظهر شیبه                  یا صاحب الغیبة

× × ×

تضعف الگوم الفاجره من تسل

                        سیفك یبن خیر الوره یا نفل

والجاحد ابذاك الوكت ینخذل

وتییّه ادروبه                            ویتیّه ادروبه

لو یگلف تتكاثر اصاویبه              یاصاحب الغیبة

× × ×

وین الیگف دونك یا راعي الفخر

                                 والحین سیفك بیه آیة ظفر

وترید ثار الگضو بالطف وذر

والنسه المنهوبة                         والنسه المنهوبة

هالبگت ما بین العده ابریبه                  یا صاحب الغیبه

× × ×

الله وكبر فرهدوها الحرم

              من عگب عین حسین راعي الكرم

والنوم من كثر البواچي حرم

زینب المهیوبه                          زینب المهیوبه

ماشي ضعنها ابحزن ومصیبه          یا صاحب الغیبه

× × ×

ما شی ضعن لیتام ویّه الغُرب

                        والگلب من نار الحزن منعطب

ومتونها توسّمت منّ الضرب

                        للهاشمیّه اتلوّح النیبه

                                           2/1/1376 هـ

                                 موال

یمته الفرج یلعمد تنهی حزن واجدك

                        ندریك یبن الحسن بالجد كثر واجدك

هاي امتك بالهضم دومٍ تره واجدك

                        تنتظر یا ساعةٍ سیف العداله یسَل

یاخذ ابثار البگت بالطف دماها یسل

                        كل فرد من عندنِه عن مكرماتك یسل

یا یوم یشفي الگلب ذاك الجهد واجدك

 

                                 یا أرحم الراحمین

قصیدة ملؤها الحزن والاسی انشدها شاعرنا العلامه

عندما القی في أحد سجون العراق علی ید من الأیدي

الظالمة.. رفع فیها أكف التوسل إلی العلي القدیر

راجیاً منه الخلاص من القید المؤلم..

یا رب یرحمن                           نطلب رحمتك

ماغیرك الینجي المساجین             نطلب رحمتك

× × ×

یااله الكون یا رب انظر العاصي ابرحمتك

                        مِن علیها الناس كلها كلها مرهونه ابمنتك

وین تتوجّه والمن تشتچي غیر الحضرتك

تنطي الوجه وین                                تمشي الیاكتر

ما غیرك الیهدي المظلین                        نطلب رحمتك

× × ×

كلها یا باری الخلایگ مسلمه والها عقیدة

              تلعن ابلیس الغواها تاهت وضلت شریدة

كل فرد تایب ولك بسم الاطایب رافع ایده

نجّیها هالناس                          منّ المعصیة

ومن السجن بمصاب الحسین                  نطلب رحمتك

× × ×

ما بعد للامه مقیاس الذي تمشي ابقیاسه

              لا مفكر بگه الیگدر ینجي هالناس ابكیاسه

والعده تسهر ترید الدین تفني من أساسه

سترك یستار                             یا باري النسم

وین الذي ینجي البشر وین                    نطلب رحمتك

× × ×

وین راعي الدین وینه یمته ینهض یسل سیفه

                        كل عوج یعدل ابیومه یاخذ من اعداه حیفه

یاخذ ابثارات جدّه الغصته ماهي طفیفه

شاهر البتار                                       ثائر عالظلم

یشفي الگلوب ویوفي كل دین                 نطلب رحمتك

 

                                 عجّل فرج ولیك

متی تغفی عیوننا الساهرة؟... متی تتحقق آمالنا

الفاخرة؟.. متی تشرق علینا بأنوارك اللامعة؟..

متی تهب علینا بأریجك المنعش؟.. متی یا فرج الله..

یا مته نسمع خبر عام انتشر

                        بالبشایر صار یهتف جبرئیل

هاه بالطیبین غایبكم ظهر

              هذه یوم البیه كل ظالم یزیل

× × ×

یا بشارة خیر واستفتاح فال

                        یمته نسمع هالخبر ونقدّسه

غایب اببرجه شبل خیر الأعمال

                        گول یمته ویا وكت نتلمسه

كون یظهر والموالي من الأهوال

                        یخلص وتحیه النفوس الدارسه

والعده تتشتت وتفنه الصور

                        هالذي متزیّفه ابحكم الرذیل

یجلس الظافر علی كرمی الظفر

                        تحیی بنفاسه كل حرّ وأصیل

× × ×

كون تحقق أمانینه ونرد

              نرگه سرج ام العله ونبدي الأفراح

بالاخوّه نرفع أعلام المجد

              والحمایتها نجد نفدي الأرواح

نفني كل ظالم ابحكمه مستبد

              یقر بگلوب الشجیه الارتیاح

بین متجول الأماني بالفِكر

              والأطیاب اجفونها امساهره اللیل

یصدر المعبود حكمه اعله القدر

              نصبح ابعز من عگب لیلٍ طویل

× × ×

وین یوم البي نره ذاك الصباح

              نور مصباح التشع بیه الشمس

شمس مهدینه التشع فوگ الابطاح

                        تستشم نسمة عطرها كل نفس

 

نسمع امن ابن الحسن عالي الصیاح

                        راح دور الظلم والغي اندرس

بالثلاثة والثلاثمایه وعشر

              رافع الرایه شبل حامي الدخیل

گول راح الجور والهم والكدر

              غیر رجعه وبعد ترجع مستحیل

 

                        ختامه مسك

أمنیة ما اسماها لاحت من ثنایا الابوذیة.. فأحسسنا

ما یهدف إلیه شاعرنا العلامة.. فلله دره وعلیه أجره

                        أبوذیة

أوحیاتك یا بجیة السلف والعود                        أبد مافوت عن حسین والعود

أریدن یگف یوم الحشر والعود                         أو یودیني لعد امي الزچیّه

                                                                                 الخمیس 22/2/1395هـ